Lajmet e fundit

Kryeparlamentari Krasniqi priti delegacionin e Odës Zejtare nga Gjermania

E Hënë, 02.04.2012




Kryetari i Kuvendit të Republikës së Kosovës, dr. Jakup Krasniqi, ka pritur sot një delegacion të Odës Zejtare të Koblencit, nga Gjermania, kryesuar nga z.Verher Vittlich, president i përgjithshëm i kësaj ode . Është biseduar për mundësitë e bashkëpunimit të ndërmjet dy vendeve në lëmin e zejtarisë, me theks të veçantë për mundësitë e bartjes së përvojave të avancuara të zejtarëve gjermanë tek zejtarët e Kosovës.

Kryeparlamentari Krasniqi ka folur për marrëdhëniet shumë të mira të Kosovës me Gjermaninë, sidomos për raportet e shkëlqyera të Kuvendit të Kosovës me Bundestagun gjerman.

Krasniqi ka folur edhe për traditat e Kosovës në lëmin e zejtarisë, sidomos në qytetet: Prizren, Gjakovë dhe Pejë, por ka theksuar edhe shkatërrimet që i janë bërë kësaj dege ekonomike para dhe gjatë luftës së fundit në Kosovë. " Është koha që ta ringjallim zejtarinë", ka theksuar Krasniqi, i cili ka spikatur infrastrukturën ligjore që ka miratuar Kuvendi për të krijuar kushte sa më të volitshme për përparimin e zejtarisë.

Presidenti i Odës Zejtare të Koblencit, nga Gjermania, Verher Vittlich, ka theksuar se qëllimi i kësaj vizite është vendosja e marrëdhënieve sa më të mira me zejtarët e Kosovës. Zejtarët gjermanë kanë përvojë të gjatë prodhuese dhe mund të ofrojnë mbështetje për zejtarinë në Kosovë, ka pohuar Verher, i cili zejtarinë e ka quajtur veprimtari ekonomike që mund të zbusë papunësinë e theksuar në vendin tonë. Ai me këtë rast ka vënë në pah sistemin e avancuar të përvetësimit të dijeve dhe përvojave të zejeve të ndryshme, si dhe përvojën e gjatë të zejtarisë gjermane, që po vlerësohen jo vetëm tek vendet në zhvillim, por edhe tek një varg vendesh të zhvilluara të Evropës.

Në këtë takim kanë marrë pjesë edhe përfaqësueset e Grupit të Grave Deputete: Teuta Sahatqija, Flora Brovina, Alma Lama dhe Ganimete Musliu.

 

Kryeparlamentari Krasniqi priti delegacionin e Odës Zejtare nga Gjermania
 

Komisioni për Buxhet dhe Financa

Tel: 038 211 186

Email: asd@sadfsdf.com

Komisioni për Buxhet dhe Financa

Tel: 038 211 186

Email: asd@sadfsdf.com