Sot, Komisioni për Administratë Publike, Pushtet Lokal, Media dhe Zhvillim Rajonal, kryesuar nga Valon Ramadani, kryetar, mbajti mbledhjen e radhës, duke proceduar me pikat e parapara.
Në këtë mbledhje, të pranishëm ishin anëtarë të Ministrisë së Punëve të Brendshme, të cilët në bashkëpunim me anëtarët e komisionit dhe Zyrën Ligjore të Kuvendit të Kosovës, vazhduan shqyrtimin e Projektligjit për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me Ligjin për procedurën e përgjithshme administrative.
Tutje, për të vazhduar me shqyrtimin e neneve të tjera të projektligjit të lartcekur, anëtarët e komisionit u dakorduan që përkitazi me agjendën e palëve pjesëmarrëse në mbledhje, të takohen javën e ardhshme.
