Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë Kundër Korrupsionit, mbajti mbledhjen e rregullt, të kryesuar nga kryetari Adnan Rrustemi.
Në këtë mbledhje u miratua raporti për Projektligjin nr.08/L-052 për ndryshimin dhe plotësimin e Ligjit nr.05/L-010 për Agjencinë Kosovare për Krahasim dhe Verifikim të Pronës.
Po ashtu, u miratua edhe raporti me amendamente i komisionit funksional për Projektligjin nr. 08/L-072 për Bujqësi dhe Zhvillim Rural, raporti me amendamente i komisionit funksional për Projektligjin nr.08/L-145 për Parandalimin dhe Kontrollin e Intergruar të Ndotjes, raporti me amendamente i komisionit funksional për Projektligjin nr. 08/L-181 për Vlerësimin e Ndikimit në Mjedis dhe raporti me amendamente i komisionit funksional për Projektligjin nr.08/L-152 për Anti Dopingun.
