Komisioni për Buxhet, Punë dhe Transfere kryesuar nga kryetari Armend Muja mbajti sot mbledhjen e radhës, në të cilën u shqyrtua raporti me amendamente për Projektligjin nr. 08/L-016 për ndryshimin dhe plotësimin e Ligjit nr.07/L-041 mbi ndarjet buxhetore për Buxhetin e Republikës së Kosovës për vitin 2021.
Raporti me amendamente u shqyrtua nga Komisioni për Buxhet, pasi ka kaluar procedurat nëpër komisionet e tjera.
Në lidhje me raportin pati diskutime të ndryshme nga ana e deputetëve të pozitës dhe opozitës.
Pas debatit, raporti me amendamente për Projektligjin nr. 08/L-016 për ndryshimin dhe plotësimin e Ligjit nr.07/L-041 mbi ndarjet buxhetore për Buxhetin e Republikës së Kosovës për vitin 2021 u hodh në votim dhe i njëjti mori mbështetjen e shumicës së deputetëve.
Raporti me amendamente i rekomandohet Kuvendit për diskutim në seancën, e cila do të mbahet nesër.
