Lajmet e fundit

Kryekuvendari Krasniqi priti homologun irlandez, z. William Hay

E Mërkure, 28.03.2012




Marrëdhëniet ndërmjet kuvendeve dhe institucioneve tjera të Kosovës dhe Irlandës së Veriut janë shumë të mira. Kosova dhe Irlanda kanë shumëçka të përbashkët në jetën shoqërore e institucionale, si në të kaluarën , ashtu edhe në të tashmen , ndaj kanë çfarë të mësojnë nga njëra - tjetra dhe të ndihmohen reciprokisht. Ky ishte një nga vlerësimet më thelbësore nga takimi i sotëm i kryetarit të Kuvendit të Republikës së Kosovës, dr. Jakup Krasniqi, me kryetarin e Kuvendit të Irlandës së Veriut, z. William Hay.

Kryekuvendari Krasniqi tha se marrëdhëniet ndërmjet Mbretërisë së Bashkuar e Kosovës janë shumë të mira , ashtu siç janë edhe ato ndërmjet Kosovës dhe Irlandës së Veriut, përkatësisht kuvendeve përkatëse. Ky bashkëpunim, po begatohet gjithnjë e më shumë me vizita reciproke, nga delegacionet parlamentare dhe të komisioneve. Kjo vizitë, tha kryekuvendari Krasniqi është një rast i mirë për të thelluar edhe më bashkëpunimin ndërmjet dy parlamenteve.

E përbashkëta ndërmjet Irlandës dhe Kosovës, the më tutje kreu i legjislativit të vendit Krasniqi, është se dy personalitete të njohura botërore , siç janë z. Klinton dhe z. Bler kanë ndihmuar në procese të rëndësishme të Kosovës dhe të Irlandës së Veriut.

Pasi shprehu kënaqësinë për pritjen e ngrohtë që po i bëhet delegacionit parlamentar të Irlandës së Veriut, z. William Hay theksoi se Irlanda e Veriut dhe Kosova kanë kaluar nëpër periudha të konflikteve, madje ato kanë të përbashkët edhe faktin se afërsisht për nga territori dhe popullsia janë të barabarta. Po kështu, kanë edhe përvoja të përafërta në ngritjen e institucioneve, por ato kanë edhe një varg çështjesh të mbetura nga e kaluara , siç janë të zhdukurit, plagët e luftës, pastaj çështjet ekonomike, segregacioni etj. Z. Hej shprehu angazhimin për të forcuar edhe më bashkëpunimin ndërmjet dy kuvendeve, për të shtyrë gjërat përpara. Në këtë frymë, ai tha se roli bashkësisë ndërkombëtare, si në rastin e Irlandës , ashtu edhe të Kosovës, është i një rëndësie të veçantë. "Pa mbështetjen e bashkësisë ndërkombëtare,as ne në Irlandë të Veriut dhe as në Kosovë, s' do të mund të arriheshin këto suksese. Mbështetja ndërkombëtare në të gjitha zhvillimet aktuale është e një rëndësie të veçantë.

Gjatë kësaj vizite bashkëbiseduesit theksuan se do të nënshkruhet edhe një marrëveshje ndërmjet Parlamentit të Irlandës së Veriut dhe Kosovës, në fushën e bashkëpunimit të administratave përkatëse.

Kryekuvendari Krasniqi priti homologun irlandez, z. William HayKryekuvendari Krasniqi priti homologun irlandez, z. William Hay